BAKI, TurkicWorld, Zeynəb Raminqızı
Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatının (ŞƏT) 25-ci Dövlət Başçıları Şurasının Zirvə Toplantısında iştirak etmək üçün Çinə səfər edib.
TurkicWorld xəbər verir ki, Ərdoğanı Esenboğa hava limanında vitse-prezident Cevdet Yılmaz, Ankara valisi Vasip Şahin və digər rəsmi şəxslər yola salıblar.
Ərdoğan Çinin Tianjin şəhərində Şanxay Əməkdaşlıq Təşkilatının (ŞƏT) Sammitində iştirak edəcək.
Prezident Ərdoğan səfər çərçivəsində sentyabrın 1-i bazar ertəsi keçiriləcək genişləndirilmiş Zirvə toplantısında çıxış edəcək.
Ərdoğan başda həmkarı Si Cinpin olmaqla digər liderlərlə də ikitərəfli görüşlər keçirəcək.
