BAKI,TurkicWorld Orxan Qədirzadə
Naxçıvanda müşahidə olunan əlverişsiz hava şəraiti səbəbindən Azərbaycan Hava Yollarının (AZAL) Bakı-Naxçıvan-Bakı istiqaməti üzrə planlaşdırılmış reysləri yerinə yetirilməyib.
Məlumata görə, 14 iyun 2026-cı il tarixinə nəzərdə tutulan bütün uçuşlar hava şəraitinin uçuş təhlükəsizliyinə təsiri nəzərə alınaraq ləğv edilib.
Bildirilib ki, hava şəraiti normallaşdıqdan və uçuşların təhlükəsiz icrası üçün zəruri şərait yarandıqdan sonra reyslərin həyata keçirilməsi bərpa olunacaq.
Aviaşirkət sərnişinlərin mümkün dəyişikliklər barədə operativ şəkildə məlumatlandırılacağını qeyd edib.
Qeyd edək ki, əlverişsiz meteoroloji şərait aviasiya təhlükəsizliyinin təmin olunması məqsədilə uçuş cədvəllərində dəyişikliklərə səbəb ola bilər. Bu kimi hallarda qərarlar sərnişinlərin və ekipajların təhlükəsizliyi nəzərə alınmaqla qəbul edilir.
