Bakı. TurkicWorld:
Azərbaycanın kişi voleybolçulardan ibarət “Xarı bülbül Şuşa” klubu bu gün avrokuboklarda debüt edəcək.
İdman.biz xəbər verir ki, komandamız Çağırış kubokunun 1/32 final mərhələsində Slovakiya “Spartak”ını qəbul edəcək.
Miyava təmsilçisi ilə görüş Voleybol Mərkəzində keçiriləcək. Şuşa klubunun ilk görüşdə qalib gələcəyi gözlənilir.
Çağırış kuboku
1/32 final mərhələsi, ilk oyun
25 oktyabr
18:00. “Xarı bülbül Şuşa” - “Spartak” (Slovakiya)
Hakimlər: Tuncay Kandemir (Türkiyə), Corc Zelenoviç (Serbiya)
Bakı. Voleybol Mərkəzi
Qeyd edək ki, komandalar arasında razılığa əsasən ikinci görüş də Bakıda keçiriləcək. Oktyabrın 26-da rəqib nominal ev sahibi olacaq.