Bakı. TurkicWorld:
Ankarada 2022-ci il "Şuşa ili" münasibətilə tədbir keçirilib.
TurkicWorld-un məlumatına görə, tədbir zamanı "Salam Azərbaycan" və "Qarabağın qara kitabı" adlı kitabların təqdimatı olub.
Tədbirdə iştirak edən Türkiyə prezidentinin baş müşaviri Yalçın Topçu qeyd olunan əsərlərin Azərbaycanın tanınmasında daha böyük rol oynayacağını deyib.
"Türk-İslam mədəniyyətinin qədim şəhərlərindən olan, Azərbaycanın incisi hesab edilən Şuşanı "Şuşa ili" münasibətilə təbrik edirəm, "Qarabağın qara kitabı" və "Salam Azərbaycan" kitablarının Azərbaycanı bütün dünyada daha yaxşı tanıtmasını arzu edirəm", - deyə o bildirib.
