Bakı. TurkicWorld
18 oktyabr 2024-cü il tarixində Azərbaycan xarici işlər naziri Ceyhun Bayramov və Ermənistan xarici işlər naziri Ararat Mirzoyan arasında İstanbulda "3+3" regional məşvərət platforması çərçivəsində görüş keçirilib.
Xarici İşlər Nazirliyindən Trend-ə verilən məlumata görə, tərəflər Sülh və Dövlətlərarası Münasibətlərin Qurulması haqqında Saziş ilə bağlı danışıqları davam etdirib, ən qısa zaman ərzində onun yekunlaşdırılması və bağlanması üçün daha çox səy göstərmək istiqamətində razılıq əldə ediblər.
Tərəflər Türkiyənin qonaqpərvərliyini təqdir ediblər.
xxx
19:20
İstanbulda baş tutan “3+3” formatının iclası çərçivəsində Azərbaycan xarici işlər naziri Ceyhun Bayramovun ermənistanlı həmkarı Ararat Mirzoyanla Azərbaycan və Ermənistan arasında Sülh müqaviləsi və dövlətlərarası münasibətlərin qurulması üzrə görüşün növbəti raundu başlayıb.
TurkicWorld xəbər verir ki, bu barədə Azərbaycan XİN-in “X” sosial şəbəkəsindəki hesabında edilən paylaşımda deyilir.
