Bakı, TurkicWorld/ ArabAz
İran ABŞ-ı Suriyadakı vəziyyətdən sui-istifadə etməmək barədə xəbərdarlıq edib və sahənin inkişafı tələb edərsə, İnqilab Keşikçiləri Korpusundan Hələbə “məsləhətçi” qüvvələrin göndərilməsinin mümkünlüyü barədə siqnallar verib.
İran prezidenti Məsud Pezeşkian İslam ölkələrini “Suriyadakı problemləri həll etməyə” çağırıb və İran parlamentinin iclasında deyib ki, : “İslam ölkələri daxili münaqişələrinin regiona daha çox xarici müdaxiləyə səbəb olmasına imkan verməməlidirlər”.
“Ümid edirik ki, region ölkələri Amerika və İsrailin heç bir İslam ölkəsinin daxili münaqişəsindən istifadə etməsinə icazə verməyəcəklər. Müharibə və dağıntıları genişləndirənlər sülh, insan haqları və insanlıq iddiasında olanlarla eynidir. İsrail on min uşaq öldürüb, insan haqlarını iddia edənlər isə sadəcə seyrçidir… Bu faciənin ABŞ və Avropa ölkələrinin dəstəyi ilə baş verməsi utancvericidir. Biz heç bir şəkildə müharibə istəmirik. Biz qonşularımızla problemlərimizi mümkün qədər həll etmək üçün səy göstərdik və müxtəlif ölkələrlə əlaqələrimizi yaxşılaşdırmağa çalışdıq”-deyə İran prezidenti bildirib.
Öz növbəsində, parlamentin sədri Məhəmməd Baqir Qalibaf Suriyanın şimalında baş verənləri Livanda atəşkəsdən sonra “bu hərəkətlərin vaxtını” nəzərə alaraq “bölgənin təhlükəsizliyini pozmaq üçün sionist-amerikan planı” adlandırıb.
O deyib: “Belə bir şəraitdə bölgədəki rasional insanların bu təhlükəli sui-qəsdin qarşısını almaq və terrorçuların Suriya və bölgədəki hərəkətləri ilə üzləşmək üçün hərəkətə keçmələri lazımdır. Terro kartını istifadə etmək ABŞ və İsrailə baha başa gələcək”-deyə o bildirib.
İran Xarici işlər naziri Abbas Araqçiyə gəlincə, o, cənubdakı Kiş adasında jurnalistlərə deyib ki, Tehran “terrorçularla mübarizədə Suriya hökuməti və ordusunu” dəstəkləyir.
Dəməşqə getməzdən bir neçə saat əvvəl Əraqçi deyib ki, o, Suriya hökumətinə “orduya və Suriya hökumətinə qəti dəstəyimizi” təsdiqləyən mesaj göndərəcək.
“Biz inanırıq ki, düşmən sionistlərin uğursuzluğundan sonra terrorçu qruplar vasitəsilə regionun təhlükəsizliyini pozmaq kimi mənfur məqsədlərinə nail olmağa çalışır və “Suriya ordusu bir daha bu terror qrupları üzərində əvvəl olduğu kimi qələbə çalacaq”-deyə Əraqçi bildirib.
İran qüvvələrinin Suriyaya göndərilməsi
Bu arada parlamentin Milli Təhlükəsizlik Komitəsinin hərbi məsələlər üzrə məsul nümayəndəsi İsmayıl Kothari deyib ki, İranın Suriyaya “məsləhətçi qüvvələr” göndərməsi ehtimalı var, lakin o, qüvvələrin göndərilməsinin “sahədəki hadisələrdən və hökumətin qərarlarından asılıdır.
İnqilab Keşikçiləri Korpusunun general-mayoru Kothari, Hələbdəki hücumların “60 günlük atəşkəs dövründə Amerika və İsrail tərəfindən planlaşdırılan Hizbullaha İranın dəstəyini kəsmək məqsədi daşıdığını” söyləyib.
Kothari mətbuata verdiyi açıqlamada, “Livanda atəşkəs elan edildikdən dərhal sonra silahlı qrupların Suriyanın şimal-qərbindəki bölgələrə təşkil etdiyi hücumun ABŞ və sionist varlıq tərəfindən əvvəlcədən planlaşdırıldığını” deyib.
“İsrail ordusu 60 gündən sonra Livanın cənubuna (Hizbullah) və müqavimət cəbhəsinə təzyiqi artırmaq üçün yeni bir hücuma keçəcək”.-deyə o bildirib.
Kothari qeyd edib ki, “Suriyadakı iranlı müşavirlərin sayı o qədər də böyük deyil… Əgər qüvvələrin sayı keçmişdəki kimi olsaydı, dərhal hərəkətə keçərdilər”.
İnqilab Keşikçiləri Komandirinin müşaviri, general Hüseyn Dəqiqi şənbə günü deyib: “Düşmən Suriya və Livana hücum edib, lakin Suriyada onun əli kəsiləcək”.
Dəqiqi regionun “müqavimət oxu”nda tənəzzülün şahidi olduğuna inanmaqdan imtina edərək, “İslam İnqilabının çox sürətlə irəlilədiyini” deyib.
“Müqavimət hərəkatı günü-gündən irəliləyiş əldə edir… Hazırda İmam Mehdinin zühuru üçün şərait hazırlanır və bu hərəkat həmin mərhələ ilə bağlıdır”-deyə o əlavə edib.
İraqdan qüvvələrin gəlməsi
Farsdilli Radio Farda şənbə günü mənbələrə istinadən xəbər verib ki, minlərlə “Qüds Gücü” qüvvələri və İranın dəstəklədiyi İraq qruplaşması Hələbə doğru yola düşüb.
ABŞ tərəfindən maliyyələşdirilən radiostansiya İranın dəstəklədiyi İraq qruplaşmalarındakı iki mənbəyə istinadən əlavə edib ki, “Qüds Qüvvələrinin minlərlə üzvü İranın cənub-qərbindəki Şələmçeh sərhəd bölgəsindən İraqa daxil olub və ötən cümə axşamı axşam Bağdada yollanıb”.
Bu qüvvələr Suriya sərhədini keçməzdən əvvəl Hizbullah Briqadaları və Əl-Nucaba qruplarından minlərlə döyüşçüyə qoşulub.
Şənbə günü axşam İnqilab Keşikçiləri Korpusunun mediası Fatemiyyun qüvvələrinə aid şəkillər və video kliplər yayıb. Klipdə Qüds qüvvələrinin Əfqanıstan milisləri Hələb ətrafında toplaşaraq, müxalifətə qarşı döyüşə hazr olduqlarını bəyan ediblər.
Videoda vokalçı Mehdi Salahşurun döyüşçüləri döyüşməyə çağıran mahnılar səsləndirdiyi görünür. İranın Mehr Agentliyi videoların həqiqiliyini təsdiqləyib. Agentlik, İnqilab Keşikçiləri Korpusunun lideri Salahşurun Livanın cənubundan Suriyaya getdiyini və Fatemiyyun döyüşçüləri ilə görüşdüyünü yazıb.
