Bakı. TurkicWorld:
Fələstinə dəstək üçün təxminən bir aya yaxındır İspaniyanın paytaxtı Madriddəki Complutense Universitetinin kampusunda çadır qurub gecələyən tələbələr bu gün yol bağlama aksiyası keçiriblər.
TurkicWorld AzerVoice-ə istinadən xəbər verir ki, təxminən 100-ə yaxın universitet tələbəsi Madrid şəhər mərkəzində kampusdan keçən yola çadırlarını daşıyaraq nəqliyyatı 2 saat dayandırıb.
Xəbərdarlıqdan sonra polis nümayişçilərə müdaxilə edərək, dinc şəkildə etiraz edən və onlara müqavimət göstərməyən tələbələri bir-bir yoldan uzaqlaşdırıb.
Polisin fövqəladə tədbir gördüyü aksiya dincliklə başa çatıb.
"Biz sülh və dialoqun bərqərar olmasını istəyirik. İsrailin soyqırımı və etnik təmizləməsinə son qoyulmalıdır. Onun hücumları dayandırılmalıdır" – deyə tələbələr bildirib.
Tələbələr İspaniyanın baş naziri Pedro Sançesin onları dəstəklədiyini, Fələstin davasının arxasında İspaniya hökumətinin olduğunu, lakin İsraili dayandırmaq üçün daha çox addım gözlədiklərini qeyd ediblər.
Hafiz Rufizoğlu
