BAKI, TurkicWorld
İsveçli araşdırmaçılar tərəfindən aparılan yeni bir tədqiqat, gündəlik qəhvə içənlərin daha yüksək xolesterol səviyyələri və kardiyovaskulyar xəstəlik riskinə sahib ola biləcəyini göstərib.
İş yerindəki qəhvə fasilələrini yenidən düşünmək və alternativlərə yönəlmək zəruri ola bilər. Çünki Uppsala Universitetindən olan araşdırmaçılar, iş yerlərindəki çox sayda qəhvə maşınında yüksək miqdarda xolesterol artıran maddələrin olduğunu aşkarlayıblar.
Araşdırmaçıların, Chalmers Texnologiya Universiteti ilə əməkdaşlıq edərək, beş fərqli qəhvə markasından istifadə edilən 14 qəhvə maşınından nümunələr aldığı qeyd edilib.
Tədqiqatın baş müəllifi Devid Iqman, "Bu nəticəyə gəlirik ki, filtrləmə prosesi qəhvədə xolesterolü artıran maddələrin mövcudluğu baxımından çox mühüm rol oynayır" - deyə bildirib.
Bədəndə təbii olaraq mövcud olan xolesterolun yüksək səviyyəsi problemlərə səbəb ola bilər. Mayo Klinikasına görə, xolesterol arteriya divarlarında plak şəklində birikərək arteriyaların sərtləşməsinə və daralmasına yol açır. Həmçinin, bu plakalardan birinin qoparaq qan laxtasına səbəb olması, ürək böhranı və insult riskini artırır.
Avropada, dünyada ən yüksək xolesterol prevalansına sahib bölgə olduğu üçün, burada böyüklərin 50 faizindən çoxunun xolesterol səviyyəsi orta səviyyədən yüksəkdir.
