“Radio TMB” (Türk Millətlər Birliyi) “Azeri Business award” mükafat mərasimində ilin ən uğurlu layihəsi seçilib və Türk dünyasının ilk radio platforması nominasiyasına layiq görülüb.
Həmçinin, Türk millətlərini birləşdirən mədəniyyət platrforması üzrə “TMB TV“ laureat seçilib. "TMB – Türk Musiqisini Birləşdirən Radio" devizi ilə fəaliyyət göstərən radionun əsas prioriteti informasiya və media sahəsində layihələr həyata keçirməklə yanaşı, türk xalqlarının mədəniyyətinin tərənnümü, informasiya mübadiləsi və maarifləndirilməsidir.
Qeyd edək ki, “Azeri Business award” Milli mükafatının təqdimetmə mərasimi “Business Time” jurnalı tərəfindən təşkil edilib və 06 mart 2022-ci il tarixində "Buta Palace"da keçirilib. Tədbirdə bir neçə ölkələrin fövqəladə və səlahiyyətli səfirləri, müxtəlif dövlət qurumlarının, aparıcı şirkətlərin nümayəndələri, yüksək səviyyəli menecerlər, iqtisadiyyatın müxtəlif sahələrindən olan təmsilçilər, xarici qonaqlar və KİV nümayəndələri də daxil olmaqla 200 nəfər iştirak edib.
