Bakı. TurkicWorld:
Qvineya-Bisau Respublikasının Prezidenti Umaru Sisoku Embalo Prezident İlham Əliyevi təbrik edib.
TurkicWorld xəbər verir ki, təbrik məktubunda deyilir:
"Cənab Prezident, Əziz Qardaşım.
Müqəddəs Ramazan bayramı münasibətilə Sizə dostluq və qardaşlıq ruhunda ən səmimi təbriklərimi və salamlarımı çatdırmaqdan böyük məmnunluq duyuram.
Uca və Mərhəmətli Allah orucumuzu və dualarımızı qəbul etsin, İslam ümmətinə əmin-amanlıq, tərəqqi, həmrəylik və xoşbəxtlik bəxş etsin!
Cənab Prezident, Əziz Qardaşım, Sizə olan ən yüksək ehtiramımı qəbul etməyinizi xahiş edirəm".
