Bakı. TurkicWorld:
Qırğızıstan-Çin sərhədindəki iki keçid məntəqəsi bir gün müddətinə bağlanacaq.
TurkicWorld xəbər verir ki, bu barədə Qırğızıstan Respublikası Milli Təhlükəsizlik Dövlət Komitəsinin Sərhəd Xidməti məlumat yayıb.
Məlumata əsasən, Çində Tsinmin bayramının - Anım Gününün qeyd olunması ilə əlaqədar Qırğızıstan-Çin dövlət sərhədinin hissəsində yerləşən “Toruqart – avtomobil yolu” və “İrkeştam – yol” buraxılış məntəqələri aprelin 4-də müvəqqəti bağlanacaq.
Bu keçid məntəqələrindən keçid aprelin 5-dən bərpa olunacaq.