BAKI, TurkicWorld, Nailə Babazadə
Qazaxıstan ilə İran hökumətləri arasında xarici işlər nazirliklərinin əməkdaşlıq proqramı ilə yanaşı, qarşılıqlı hüquqi yardım, nəqliyyat və logistika, yük daşımaları, ədliyyə, səhiyyə, mədəniyyət və media kimi sahələri əhatə edən 8 əməkdaşlıq sazişi imzalanıb.
TurkicWorld xəbər verir ki, İran Prezidenti Mesud Pezeşkian rəsmi səfər çərçivəsində Qazaxıstana gedib.
Pezeşkian üçün paytaxt Astananın Akorda Prezident Sarayında rəsmi qarşılama mərasimi təşkil olunub.
Mərasimdən sonra Qazaxıstan Prezidenti Kasım-Jomart Tokayev və İranlı həmkarı əvvəlcə təkbətək görüş keçirib, daha sonra nümayəndə heyətləri səviyyəsində müzakirələr aparıblar.
İki lider görüşlərin ardından “Birgə Bəyanat” imzalayıb və mətbuat konfransı keçiriblər.
