Bakı. TurkicWorld:
2022-ci ilin avqust ayında Türkiyə limanları 160 min 683 avtomobil qəbul edib.
Bu barədə TurkicWorld-ə Türkiyənin Nəqliyyat və İnfrastruktur Nazirliyindən məlumat verilib.
Hesabat dövründə Ro-Ro gəmiləri ilə Türkiyə limanlarına 68 min 253 avtomobil çatdırılıb. Bununla yanaşı, Türkiyə limanlarından 92 min 430 avtomobil göndərilib.
Məlumatda bildirilib ki, 2022-ci ilin yanvar-avqust aylarında Türkiyə limanlarına 1 milyon 483 min 678 avtomobili daşınıb.
“Qeyd edilən dövrdə, Ro-Ro gəmiləri ilə Türkiyə limanlarına 602 min 778 avtomobil çatdırılıb. Türkiyə limanlarından daşınan avtomobillərin sayı isə 880 min 900 olub.”, - nazirlikdən bildirilib.
Qeyd edək ki, 2021-ci ildə Türkiyənin limanlarına 2 milyon 92 min 48 avtomobil gətirilib.
Eyni dövrdə Ro-Ro gəmiləri ilə Türkiyə limanlarına 790 min 274 avtomobil çatdırılıb.
2021-ci ildə Türkiyə limanlarından Ro-Ro gəmiləri ilə 1 milyon 302 min 206 avtomobil daşınıb.