Müstəqil Sənayeçi və İş Adamları Dərnəyi (MÜSİAD) və MÜSİAD Sahibkar Qadınlar təşkilatı Beynəlxalq Maarifləndirmə Zirvəsi (İAS) təşkil edib. TurkicWorld-un məlumatına görə, iclas zamanı iyunun 14-də “Çevrim bizimlə başlayır” şüarı ilə keçiriləcək sammit haqqında məlumat da verilib.

“MÜSİAD Sahibkar Qadınlar təşkilatı nümunəvi işləri ilə iqtisadi həyata töhfə verir. Bu qurum yalnız sahibkar qadınların mövcud potensialını artırmaq üçün deyil, həm də onların ailə həyatını, sosial həyatını və təhsil həyatını gücləndirmək üçün davamlı layihələr həyata keçirir.” – deyə MÜSİAD-ın prezidenti Mahmut Asmalı bildirib.

Onun sözlərinə görə, MÜSİAD Sahibkar Qadınlar təşkilatı yalnız Türkiyədə deyil, bütün dünyada güclü bir quruma çevrilib.

“MÜSİAD Sahibkar Qadınlar təşkilatıda ümumilikdə 300-dən çox qadın sahibkar fəaliyyət göstərir və biz MÜSİAD olaraq var gücümüzlə sahibkar qadınlara iş imkanlarında kömək etməyə çalışacağıq”,– deyə Asmalı vurğulayıb.

MÜSİAD prezidenti bu il keçiriləcək Beynəlxalq Maarifləndirmə Zirvəsində sahibkarlıq-rəqəmsal dünya, miqrasiya və ətraf mühit-sağlamlıq kimi üç əsas mövzunun diqqət mərkəzində olacağını da qeyd edib.

"İyunun 14-də keçiriləcək Beynəlxalq Maarifləndirmə Sammiti həm iş dünyasında qadınları gücləndirmək, həm də qurulan dəyər zəncirinə töhfə vermək məqsədi daşıyır. Sammitin bu ilki debütündə üç əsas mövzuya diqqət yetirəcək təşkilatımız sahibkar qadınların iş həyatlarında qarşılaşdıqları çətinliklər, həmçinin miqrant qadınların öz sahələrindəki gözləntiləri mütəxəssislərlə müzakirə ediləcək”,– deyə o, əlavə edib.

MÜSİAD Sahibkar Qadınlar təşkilatının rəhbəri Meryem İlbahar bildirib ki, bu il ilk dəfə keçiriləcək Beynəlxalq Maarifləndirmə Zirvəsində həyatın bütün sahələrində maarifləndirməni gücləndirməyi hədəfləyirlər.

“Biz MÜSİAD Sahibkar Qadınlar təşkilatı olaraq həyata keçirdiyimiz fəaliyyətimizdə qadın sahibkarlarımızı daha da gücləndirməyi qarşımıza məqsəd qoymuşuq. MÜSİAD Sahibkar Qadınlar təşkilatı bu gün Türkiyədə tərkibində ən çox səhibkar qadına ev sahibliyi edən təşkilatdır. Biz, qadınlarda iş həyatı ilə yanaşı ailə həyatı, sosial həyat və təhsilə də diqqət yetiririk”, – deyə o qeyd edib.

Xanım İlbaharın sözlərinə görə, Türkiyənin Ailə və Sosial Xidmətlər Nazirliyinin dəstəyilə keçiriləcək sammitdə sahibkarlıq-rəqəmsal dünya, miqrasiya və ətraf mühit-sağlamlığı ilə bağlı mövzular, milli və beynəlxalq problemlərlə yanaşı onların həll təklifləri də diqqət mərkəzində olacaq

Eyni zamanda, MÜSİAD-ın 2016-cı ildən tərəfdaş olduğu və Türkiyənin birinci xanımı Əminə Ərdoğanın himayəsində olan “Afrika Evi” sərgisi bu il iyunun 14-də Atatürk Mədəniyyət Mərkəzində baş tutacaq.