2022-ci ilin ikinci yarısından Azərbaycanda inflyasiya azalmağa doğru gedəcək.
TurkicWorld-un məlumatına görə, bunu Mərkəzi Bankın İdarə heyətinin sədri Elman Rüstəmov deyib.
Onun sözlərinə görə, hazırda Mərkəzi Bankda ölkəmizdə inflyasiyanın azaldılması üzrə mərhələli işlər aparılır və qurum hazırda beynəlxalq təşkilatların inflyasiya proqnozunu azaldacağına ümid edir.
Xatırladaq ki, 2021-ci ilin yekunlarına əsasən, Azərbaycanda inflyasiya 6,75 faiz təşkil edib, 2022-ci ildə bu göstəricinin 6,6-7,5 faiz ətrafında olması proqnozlaşdırılır.
