BAKI,TurkicWorld,Yusif Şərifzadə
Beynəlxalq Enerji Agentliyi (BEA) qlobal neft təchizatı çatışmazlığının bu il daha da dərinləşəcəyini proqnozlaşdırıb. Agentlik Körfəz ölkələrindən neft tədarükünün tam bərpasını yalnız gələn il gözləyir.
TurkicWorld xəbər verir ki, BEA-nın açıqlamasına əsasən, ötən ay qlobal neft ehtiyatları daha 95 milyon barel azalıb. Bu azalma dünya neft bazarında təkliflə bağlı təzyiqlərin davam etdiyini göstərir.
Agentlik ABŞ və İsrailin İranla müharibəsinin neft bazarına təsirlərinin aradan qaldırılması üçün əlavə tədbirlərə ehtiyac olduğunu bildirib. Münaqişə fonunda enerji tədarükünün sabitliyi və Körfəz istehsalçılarının əvvəlki səviyyələrə qayıtması bazarın əsas diqqət mərkəzində qalır.
BEA-nın qiymətləndirməsinə görə, Körfəz ölkələrinin neft tədarükünün tam həcmdə bərpası 2027-ci ildən tez baş verməyəcək.
