BAKI, TurkicWorld, Orxan Qədirzadə
HƏMAS və İslami Cihad qruplarının rəsmiləri AFP-yə bildiriblər ki, Qəzza zolağında aşkar edilən bir cəsədin qalıqlarından götürülmüş nümunə bu gün İsrail tərəfinə veriləcək.
TurkicWorld xəbər verir ki, HƏMAS rəsmisinin sözlərinə görə, qalıqlardan götürülmüş nümunə Beynəlxalq Qızıl Xaç Komitəsi vasitəsilə İsrailə çatdırılacaq və kimlik müəyyənləşdirilməsi ekspertizadan sonra məlum olacaq. Eyni məlumatı İslami Cihad nümayəndəsi də təsdiq edib.
Hadisə İsrail və Fələstin tərəfləri arasında girovların taleyi ilə bağlı davam edən müzakirələr fonunda baş verir. Qəzzada davam edən humanitar böhran və dağıntılar arasında itkin düşmüş şəxslərin axtarışı hər iki tərəfin prioritet məsələlərindən biri olaraq qalır.
