Bakı, TurkicWorld
Çin səhiyyə orqanları meymun çiçəyi virusunun yeni mutasiyaya uğramış alt növünü aşkar etdiklərini açıqlayıb.
TurkicWorld xəbər verir ki, Çin Xəstəliklərə Nəzarət və Qarşısının Alınması Mərkəzinin (CDC) məlumatına görə, bu alt növ Konqo Demokratik Respublikasından gələn bir əcnəbi tərəfindən ölkəyə gətirilib.
CDC bildirib ki, həmin şəxs tanımadığı bir nəfərlə yaxın təmasda olduqdan sonra virusu digər 4 nəfərə də yoluxdurub. Xəstələrdə yüngül simptomlar, o cümlədən səpgi və blisterlər müşahidə olunub.
Meymun çiçəyi virusu yaxın fiziki təmas zamanı ötürülür və qripə bənzər simptomlarla yanaşı irinli yaralar yaradır. Xəstəlik adətən yüngül keçir, lakin nadir hallarda ölümə səbəb ola bilər.
Qeyd edək ki, Ümumdünya Səhiyyə Təşkilatı (ÜST) keçən il meymun çiçəyi virusunun daha geniş coğrafi ərazilərə yayılması və artan yoluxma hallarını nəzərə alaraq qlobal ictimai səhiyyə fövqəladə vəziyyəti elan etmişdi.
2023-cü ilin avqust ayında isə ÜST Konqo Demokratik Respublikasında ortaya çıxan meymun çiçəyi epidemiyasının qonşu ölkələrə yayılmasından sonra son iki il ərzində ikinci dəfə qlobal fövqəladə vəziyyət elan edib.
Mütəxəssislər, yeni mutasiyaya uğramış virus növünün xüsusiyyətlərinin daha ətraflı araşdırılması və virusun yayılmasının qarşısının alınması üçün qabaqlayıcı tədbirlərin gücləndirilməsi zərurətini vurğulayırlar.
