Bakı, TurkicWorld
Qədim Mesopotamiya xalqlarının duyğuları bədənlərinin müxtəlif hissələri ilə əlaqələndirməsi, indiki dövrdən fərqli və maraqlı bir yanaşmadır.
Yeni bir araşdırma, qədim Mesopotamiya xalqının duyğularını hansı bədən hissələrində hiss etdiklərini təhlil edərək bu qədim mədəniyyətin duyğusal xəritəsini ortaya qoymuşdur.
Tədqiqatçılar, Yeni Assuriya İmperiyasına aid olan mixi yazılardan istifadə edərək, 18 fərqli duyğunun bədən hissələri ilə əlaqəsini təhlil ediblər.
Araşdırma nəticəsində müəyyən edilmişdir ki, qədim Assuriya xalqı duyğularını fərqli orqanlarla əlaqələndiririb.
Assuriyalılar sevgini dizlərində, ciyərlərində və ürəklərində hiss edib, bu isə müasir dövrdəki insanların sevgini ürəkdə hiss etməsi ilə müqayisə oluna bilər. Qəzəb isə Assuriyalılar tərəfindən ayaqlarda hiss edilirdi, bu da müasir dövrdə qəzəbin baş və bədənin yuxarı hissələrində hiss edilməsi ilə müqayisə oluna bilər. Həm qədim Assuriya xalqı, həm də müasir insanlar xoşbəxtlik hissini çox oxşar şəkildə hiss etsələr də, Assuriyalılar bu duyğunu qaraciyərdə də hiss edirdilər. Kədər isə hər iki mədəniyyət üçün sinədə hiss edilmişdir.
Araşdırma həmçinin, duyğuların bədən hissələrində paylanmasında bəzi mədəniyyətlər arasında fərqlər olduğunu ortaya qoymuşdur. Assuriya xalqı, duyğularını indiki insanlar kimi eyni hissələrdə hiss etməyib. Məsələn, qürur Assuriyalılar üçün ürəkdə hiss edilərkən, müasir insanlar bəzən bunu daha çox beynində və ya qarın bölgəsində hiss edirlər.
Saana Svärd və tədqiqatçı komanda, bu məlumatların yazılı mənbələrə əsaslandığını və hər bir insanın duyğuları fərqli şəkildə yaşadığını qeyd edirlər. Ayrıca, istifadə edilən bədən xəritəsinin yalnız kişi anatomiyasını əhatə etdiyi və qadın orqanları ilə duyğular arasındakı əlaqəni müəyyən etməkdə əhəmiyyətli bir çatışmazlıq olduğu vurğulanır.
