Bakı. TurkicWorld
Somali və Azərbaycan arasında parlamentlərarası dostluq qrupu yaradıla bilər.b
TurkicWorld xəbər verir ki, bu haqda ArabAZ -a açıqlamasında Somalinin Ankarada akredetə edilmiş Azərbaycan səfiri Fəxrəddin Aspite deyib.
O qeyd edib ki, hal hazırda bu istiqamətdə işlər aparılır.
“İki dövlət arasında parlamentlərarası dostluq qrupunun yaradılması ölkələrimiz arasında olan münasibətlərin daha dinamik inkişafına təkan verə bilər”-deyə səfir qeyd edib.
Qeyd edək ki, Somali səfiri daha öncə ölkəsinin Azərbaycanla əməkdaşlıqda olduqca maraqlı olduğunu bildirdib.
O qeyd edib ki, Azərbaycan regionun ən dinamik inkişaf edən ölkəsidir.
“Azərbaycanla müxtəlif sahələrdə əməkdaşlığa hazırıq və bu bizim maraq dairəmizdədir”-deyə o qeyd edib.
Səfir qeyd edib ki, Moqadişo rəsmi Bakı ilə əməkdaşlığının dərinləşməsi çərçivəsində özünə prioritetlər təyin edib.
“Bu prioritetlər mövcuddur və biz təhsil,kənd təsərrüfatı sahədində və eləcə də turizmdə əməkdaşlığa maraqlıyıq”-deyə səfir bildirib.
Ölkələrin tanınmasında KİV-in önəmini vurğulayan somalili diplomat qeyd edib ki, Azərbaycan və Somali KİV-ləri arasında təcrübə mübadiləsinin olması yaxşı olardı.
“Biz xəbərləri ilkin mənbədən alsaq daha dolğun və təfərrüatlı informasiya əldə edə bilərik. Bu baxımdan hesab edirəm ki, Azərbaycan və Somali KİV-ləri arasında əlaqənin olması labüddür”-deyə o əlavə edib.
Səfir onu da əlavə edib ki, Somalinin Azərbaycanda səfirliyinin açılması istiqamətində işlər aparılır.
