Bakı. TurkicWorld:
ABŞ dövlət katibi Entoni Blinken gələn həftə İsrail ordusunun Rəfaha mümkün quru hücumu və HƏMAS ilə Təl-Əviv arasında əsir mübadiləsi razılaşmasını müzakirə etmək üçün İsrailə səfər edəcək.
TurkicWorld AzerVoice-a istinadən xəbər verir ki, bu barədə İsrail dövlət televiziyası KAN məlumat yayıb.
Bildirilib ki, səfər zamanı Blinken İsrail rəsmiləri ilə İsrailin Rəfaha qurudan mümkün hücumu və HƏMAS ilə Təl-Əviv arasında əsir mübadiləsi kimi məsələləri müzakirə edəcək.
Qeyd olunub ki, bu, ABŞ dövlət katibi Blinkenin 2023-cü il oktyabrın 7-dən regiona yeddinci səfəri olacaq.
Xatırladaq ki, İsrailin dövlət televiziyası KAN İsrail ordusunun tezliklə Rəfaha qurudan hücum edəcəyini bildirib.
