Bakı. TurkicWorld:
Fələstin dövlətini tanımaq istəyən Avropa İttifaqı ölkələri müharibədən əziyyət çəkən regionda sülhün təmin edilməsində əhəmiyyətli irəliləyiş əldə etmək üçün birlikdə hərəkət etməlidirlər.
TurkicWorld AzerVoice-a istinadən xəbər verir ki, bu barədə Avropa İttifaqı Şurasının prezidenti Çarlz Mişel bildirib.
Onun sözlərinə görə, üzv ölkələrin koordinasiyalı tanınması həm İsraili, həm də Fələstin Muxtariyyətini iki dövlətli həlli mümkün etmək üçün lazım olan islahatları aparmağa çağırmağa daha çox təkan verə bilər.
Qeyd edək ki, daha öncə İspaniya Baş naziri Pedro Sançez Fələstin Dövlətinin tanınması üçün çağırış edib.
