İsrail ABŞ-ın atəşkəs təklifini qəbul edib - Times of Israel

İsrail ABŞ-ın atəşkəs təklifini qəbul edib - Times of Israel

Bakı,TurkicWorld

Qətərdə danışıqlar aparan İsrail heyəti müvəqqəti atəşkəs çərçivəsində HƏMAS tərəfindən saxlanılan girovların azad edilməsi müqabilində İsrail həbsxanalarından buraxılacaq fələstinli məhbusların sayı ilə bağlı ABŞ-ın təklifini qəbul edib

Bu haqda TurkicWorld Times of Israel qəzetinə istinadən məlumat verir.

Məlumata əsasən,İsrail ABŞ-ın təklifini qəbul etsə də, HƏMAS hələ də cavab verməyib.

Qeyd edək ki, İsrail rəsmisi cümə günü bildirib ki, İsrail və HƏMAS hərəkatı arasında Misir, Qətər və ABŞ-ın vasitəçiliyi ilə atəşkəs və mübadilə ilə bağlı danışıqlarda “həqiqi irəliləyiş” əldə olunmayıb.

Qeyd edək ki, Qəzzanın səhiyyə rəsmilərinə görə, İsrailin Qəzzanı işğal etməsi 31 mindən çox insanın ölümünə səbəb olub, anklavın çox hissəsini xarabalığa çevirib və Qəzzanın 2,3 milyon əhalisinin 80 faizini köçkün vəziyyətinə salıb.

Qəzzanın Səhiyyə Nazirliyi bildirir ki, Qəzzada 32 minə yaxın fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.

Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.

İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.

İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.

Bu arada Qəzzada döyüşlər davam edir. İsrailin çərşənbə günü Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.

UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.

Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.