Bakı. TurkicWorld:

Belarusdakı “Vaqner” xüsusi hərbi təşkilatının üzvlərinin sayı xeyli azalıb. Onların bir hissəsi ölkəni tərk ediblər.

TurkicWorld xəbər verir ki, bu barədə Belarus KİV-ləri məlumat yayıb.

Məlumata görə, Belarusdakı “Vaqner”çilərin sayı 5,8 min nəfərdən 4,4 min nəfərə qədər azalıb. Buna səbəb kimi maliyyə çatışmazlığı göstərilib.

Qeyd olunub ki, muzdluların bir hissəsi Afrika ölkələrinə yola düşüb. “Vaqner”in əksər üzvü onlara verilən ödənişdən razı deyil. Ona görə də onlar Belarusda uzun müddət qalmağı düşünmürlər.

Qeyd edək ki, Belarus Müdafiə Nazirliyi Polşa və Litva sərhədində hərbi təlimlərin başlanması barədə məlumat yaymışdı. Polşa və Litva rəsmiləri “Vaqner”in sərhəddə təxribat törədə biləcəyi barədə xəbərdarlıq etmişdilər.