Bakı. TurkicWorld:
Türkiyə Ordusunun inventarına yeni Pilotsuz Uçuş Aparatları (PUA) və dronlar əlavə ediləcək.
TurkicWorld xəbər verir ki, bu barədə qərar Türkiyə Müdafiə Sənayesi İcraiyyə Komitəsinin iclasında qəbul edilib.
Məlumata əsasən, iclasda təyyarədaşıyan gəmilərin dizaynı, yeni tipli desant gəmilərinin, yeni nəsil mina ov gəmilərinin və milli hücum katerlərinin tikintisi ilə bağlı qərarlar qəbul edilib.
Bundan əlavə, Türkiyənin Milli Döyüş Təyyarəsi KAAN-ın gələcək fəaliyyəti, HÜRKUŞ təyyarələri və GÖKBEY helikopterlərinin tədarükü barədə məsələlər müzakirə edilib.
Qeyd edək ki, bu gün Türkiyə prezidenti Rəcəb Tayyib Ərdoğanın sədrliyi ilə Müdafiə Sənayesi İcraiyyə Komitəsinin iclası keçirilib.
