Bakı. TurkicWorld:

Türkiyənin Sənaye və Texnologiya naziri Mehmet Fatih Kacır noyabrın 15-16-da Belçikanın paytaxtı Brüsseldə diplomatik təmaslar keçirəcək.

TurkicWorld-un məlumatına görə, bu barədə Türkiyə Sənaye və Texnologiya Nazirliyindən bildirilib.

Kacır diplomatik təmasları çərçivəsində noyabrın 15-də Avropa İttifaqının (Aİ) İnnovasiyalar, Tədqiqatlar, Mədəniyyət, Təhsil və Gənclər üzrə Komissiyasının komissarı İliana İvanova, Avropa İttifaqının qonşuluq və genişlənmə üzrə komissarı Oliver Varhelyi və daxili bazar komissarı Thierry Breton ilə görüşəcək.

Qeyd olunub ki, Türkiyə Əsri İnvestisiya Qəbuluna qatılacaq.

Noyabrın 16-da təmasları çərçivəsində o, TÜBİTAK Horizon Europe Layihə Bazarının açılışında və 17-ci Şərq-Qərb Dostluq Rallisinin Bağlanış Mərasimində iştirak edəcək.

Hafiz Rufizoğlu