BAKI,TurkicWorld
Çinin Ticarət Nazirliyi Avropa Birliyi ilə (Aİ) Çin elektrikli nəqliyyat vasitələri ixracatçılarının Aİ bazarına daxil olması üçün qaydalara ehtiyac barədə razılığa gəldiyini açıqlayıb.
TurkicWorld bu barədə xarici KİV-ə istinadən məlumat verir.
Məlumata görə, Aİ elektrikli nəqliyyat vasitələri üçün minimum qiymət planlarını "obyektiv və ədalətli şəkildə, ayrı-seçkiliyə yol verilməməsi prinsipi və Ümumdünya Ticarət Təşkilatının müvafiq qaydalarına uyğun olaraq" əks etdirən sənəd dərc edəcək.
Pekin bu irəliləyişi ikitərəfli məsələlərin dialoq yolu ilə həllinə hazır olduğunu və iqtisadi-ticarət əlaqələrinin sağlam inkişafını təmin etmək niyyətini göstərən addım kimi qiymətləndirib.
Qeyd edək ki, Çin və Aİ arasında elektromobillərlə bağlı gərginlik Aİ-nin Çini yerli istehsalçılara "ədalətsiz" subsidiyalar verməkdə ittiham etməsindən sonra yaranıb. Aİ bu üstünlüklərin Avropa istehsalçıları ilə rəqabəti pozduğunu bildirərək 2024-cü ilin dekabrında Çindən elektromobil idxalına kompensasiya rüsumları tətbiq edib.
