BAKI,TurkicWorld
Layihə çərçivəsində 5–8-ci sinif şagirdlərinin yaradıcılıq bacarıqlarının inkişaf etdirilməsi, özünəinamın gücləndirilməsi, səhnə nitqinin formalaşdırılması və komanda ilə işləmə vərdişlərinin təkmilləşdirilməsi məqsədilə praktiki məşğələlərin və interaktiv təlimlərin keçirilməsi nəzərdə tutulur. Proqram çərçivəsində teatr elementləri üzərində iş, ssenari quruculuğu və forum teatr metodlarından istifadə olunacaq.
TurkicWorld xəbər verir ki, layihə Təhsildə İnkişaf və İnnovasiyalar üzrə IX qrant müsabiqəsinin qalib təşəbbüslərindən biridir. Layihə Bakı şəhəri 48 nömrəli tam orta məktəbin müəllimi Şərifzadə Könül tərəfindən hazırlanıb və Azərbaycan İncəsənət Məktəbi ilə tərəfdaşlıq çərçivəsində icra olunur.
Layihənin əsas məqsədi şagirdləri forum teatr fəaliyyətlərinə cəlb etməklə onların sosial-emosional bacarıqlarını inkişaf etdirmək, təhsil mühitində daha fəal və özünəinamlı iştiraklarını dəstəkləməkdir.
