Bakı. TurkicWorld:

İsrail Qəzzaya humanitar yardımın çatdırılmasını asanlaşdırmalıdır.

TurkicWorld xəbər verir ki, bu barədə Birləşmiş Millətlər Təşkilatının (BMT) Baş katibi Antonio Quterreş deyib.

O, İsrailin BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) ərzaq yardımı karvanlarının Qəzzanın şimalına daxil olmasına icazə verməyəcəyi barədə bəyanatı ilə bağlı açıqlama verib.

“Baş katib UNRWA-nın Qəzzaya humanitar yardımın döyünən ürəyi olduğunu və bundan sonra da qalacağını vurğulayır” – deyə BMT mətbuat katibinin müavini Fərhan Haq bildirib.

O, humanitar yardımın Qəzzaya sürətlə və maneəsiz paylanmasının vacibliyini vurğulayıb.

UNRWA-nın komissarı General Philippe Lazzarini, UNRWA-nın İsrailin zorla aclıq və susuzlaşdırma nəticəsində humanitar fəlakətə səbəb olduğu Qəzzanın şimalına ərzaq yardımı konvoylarının girməsinə icazə verməyəcəyini açıqlayıb.

Məlumat üçün qeyd edək ki, BMT Təhlükəsizlik Şurasında keçirilən səsvermədə Ramazan ayında Qəzzada dərhal atəşkəs tələb edən, daimi və davamlı atəşkəsə çevriləcək qətnamə layihəsi qəbul edilib.

Müvəqqəti üzvlər Əlcəzair, Ekvador, Qayana, Yaponiya, Malta, Mozambik, Cənubi Koreya, Sierra Leone, Sloveniya və İsveçrənin hazırladığı qətnamə layihəsi 15 üzvdən ibarət BMT TŞ-də səsə qoyulub.

Qanun layihəsi 14 “hə” və 1 “bitərəf” səsi ilə qəbul edilib, ABŞ bitərəf qalıb.

Hafiz Rufizoğlu