Bakı. TurkicWorld:
Yutuberlər Evan və Katelin dünyanın ən böyük noutbukunu düzəldib.
TurkicWorld-un məlumatına görə, noutbukun çəkisi 45 kiloqramdır və ekran ölçüsü 43 düymdür.
Qeyd edək ki, adi noutbukların ekranı adətən 15 düym civarında, çəkisi isə 1-3 kq arasında dəyişir.
Yeni kompüterdə 43 düymlük (109 sm) televizor ekranından istifadə edilib. Nəhəng cihazın oyun oynayarkən 260 Vt-a qədər enerji istehlak edə biləcəyi bildirilib.
Cihazda iki böyük batareya və gizli bir "Intel NUC 11" olduğu deyilir. "Intel Core i7-1165G7" prosessoru və "RTX 2060" qrafik kartı bu nəhəng kompüterdə mövcud olan avadanlıqlar arasındadır.
