Bakı. TurkicWorld:

Qırğız Respublikasının Prezidenti Sadır Japarov, Rusiya Federasiyasına işgüzar səfəri çərçivəsində, Kazanda Rusiya Prezidenti Vladimir Putinlə görüş keçirib.

TurkicWorld-un məlumatına görə, Vladimir Putin, iki ölkə arasında əlaqələrin strateji tərəfdaşlıq və müttəfiqlik ruhu ilə hər sahədə uğurla inkişaf etdiyini qeyd edib. Rusiya prezidenti Sadır Japarova Qırğızıstanda rus dilinin inkişafına göstərdiyi marağa görə təşəkkür edib.

Prezident Sadır Japarov cavabında qonaqpərvərliyə görə Rusiya tərəfinə təşəkkür edib və Rusiya tərəfinə “Gələcəyin Oyunları” turnirini uğurla təşkil etməyi arzulayıb. O, bu multi-idman turnirinin unikallığını və onun bütün dünyada bu idman növünün həvəskarlarının qəlbini fəth etmək potensialını vurğulayıb.

Vladimir Putinin 2023-cü ilin oktyabrında Qırğızıstana rəsmi səfərindən sonra Sadır Japarov iki ölkə arasında əməkdaşlığın yüksək dinamikasına diqqət çəkib və daimi yardım və dəstəyə görə Rusiyaya minnətdarlığını bildirib.

Görüş zamanı Qırğızıstan Prezidenti Rusiya hökumət nümayəndə heyətini 2024-cü ilin payızında Qırğızıstanda keçiriləcək Qara-Qırğız Muxtar Vilayətinin yaradılmasının 100 illiyi ilə bağlı dövlət səviyyəsində təntənəli tədbirlərdə iştirak etməyə dəvət edib.

Nəticədə tərəflər Qırğızıstan-Rusiya münasibətlərini dərinləşdirməkdə qarşılıqlı əzmkar olduqlarını təsdiqləyiblər.

Aytac Süleymanova

Twitter: a_alieva_