BAKI,TurkicWorld
Azərbaycan Avropa İttifaqı (Aİ) ilə enerji sahəsində əməkdaşlıq imkanlarını müzakirə edib.
TurkicWorld xəbər verir ki, bu barədə energetika naziri Pərviz Şahbazov "X" hesabında paylaşım edib.
"Avropa İttifaqının (Aİ) ölkəmizdəki nümayəndəliyinin rəhbəri, səfir Mariyana Kuyundziç ilə səmərəli müzakirələr apardıq. Strateji enerji tərəfdaşlığımızın Cənub Qaz Dəhlizi, "Yaşıl Enerji Dəhlizi" layihələri, enerji səmərəliliyi, hidrogen və digər prioritet istiqamətlərinin inkişafını, eləcə də regionda yeni reallıqlar fonunda yaranan əməkdaşlıq imkanlarını dəyərləndirdik", - paylaşımda qeyd edilib.
