Sentyabrın sonunadək Bakı-Novorossiysk boru kəməri ilə 85 min ton Azərbaycan neftinin nəql edilməsi planlaşdırılır.
Bunu TurkicWorld-a Azərbaycan Dövlət Neft Şirkətinin (SOCAR) Tədbirlərin təşkili və ictimaiyyətlə əlaqələr departamentinin rəis müavini İbrahim Əhmədov deyib.
Onun sözlərinə görə, 2021-ci ilin yanvar-avqust aylarında bu boru kəməri ilə 669 min ton Azərbaycan nefti nəql edilib.
Qeyd edək ki, Bakı-Novorossiysk boru kəmərinin uzunluğu 1 330 kilometrdir və bunun 231 kilometri Azərbaycan ərazisindən keçir.
Xatırladaq ki, SOCAR və "Transneft" şirkətləri 2021-ci ildə bir milyon ton neftin Bakı-Novorossiysk boru kəməri ilə nəqli barədə müqavilə imzalayıb.
