Türkmenistanyň zenanlarynyň adyndan ynsanperwerlik kömeginiň nobatdaky tapgyry Türkiýe Respublikasyna ugradyldy. Bu barada Türkiýäniň Türkmenistandaky Adatdan daşary we Doly ygtyýarly ilçisi Togan Oral özüniň «Twitter» hasabynda mälim edýär.

Nobatdaky kömegiň möçberi 8,6 tonna barabardyr. Onuň hatarynda lukmançylyk we bejeriş serişdeleri, gyşky geýimler, düşekçeler we beýleki zerur zatlar bar. Ilçi Togan Oral nobatdaky ynsanperwerlik kömegi üçin Türkmenistanyň Zenanlar birleşigine hoşallygyny mälim etdi.