Бишкек, 29.04.22. /Кабар/. Кыргызстанга Казакстандын премьер-министри Алихан Смаилов жумушчу сапары менен келди. Бул тууралуу министрлер кабинетинин басма сөз кызматы билдирет.
«Манас» эл аралык аэропортунда жогорку даражалуу мейманды министрлер кабинетинин төрагасынын биринчи орун басары Арзыбек Кожошев тосуп алды.
Белгилей кетсек, бүгүн кыргыз-казак өкмөттөр аралык кеңешинин 10-жыйыны өтөт.
