Бишкек, 16.08.23. /Кабар/. Кыргызстандын Дзюдо боюнча улуттук курама командасынын мүчөсү, эл аралык даражадагы спорт чебери Эрлан Шеров Эл аралык дзюдо федерациясынын (IJF) рейтингинде 12-орунга чыкты.
Ден тарбия жана спорт департаментинен билдиришкендей, жаңыртылган рейтинг Венгрияда өткөн Masters мелдешинин жыйынтыгы менен түзүлдү. Аталган мелдеште Эрлан Шеров 5-орунду ээлеген.
