Bakı,TurkicWorld

Papa Fransisk Qəzzada dərhal atəşkəs tələbini təkrarladığını bildirib

TurkicWorld AzerVoice-ə istinadən xəbər verir ki, o bu barədə Müqəddəs Pyotr meydanında ənənəvi ümumi qəbul iclaslarında çıxışı zamanı bildirib.

“Qəzza zolağında dərhal atəşkəs üçün mütləq tələbimi bir daha bildirirəm. Humanitar yardım paylayan könüllülərin öldürülməsinə görə də dərin təəssüf hissi keçirirəm”- deyə Papa əlavə edib.

Papa Fransisk onu da vurğulayıb ki, bölgədə qarşıdurmanı dərinləşdirəcək hər cür davranışdan qaçmaq lazımdır.

Xatırladaq ki, Qəzzanın Səhiyyə Nazirliyi bildirir ki, Qəzzada 33 minə yaxın fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.

Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.

İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.

Bu arada Qəzzada döyüşlər davam edir. İsrailin Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.
UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.
Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.