Bakı. TurkicWorld:

Türkiyənin Roketsan şirkəti Paris Aviasiya Sərgisində ən müasir texnologiyalarını nümayiş etdirir.

TurkicWorld-un məlumatına görə, Roketsan bu sərgidə iştirak edərək həm Avropada, həm də dünyada əməkdaşlıqlarını inkişaf etdirməyi hədəfləyir.

Qeyd edək ki, Roketsan Paris Aviasiya Sərgisində dünyadakı analoqları ilə müqayisədə qiymət performansına görə seçilən və bütün dünyada üstünlük verilən məhsulları və təcrübəli heyəti ilə iştirak edir.

Quru və mobil dəniz hədəflərinə qarşı havadan quruya/yerdən istifadə edilən Stand-Off Sursat SOM-J, Mini Ağıllı Sursat MAM-C, MAM-L və MAM-T, havadan, qurudan və dəniz platformalarından buraxıla bilən qanadlı raket ÇAKIR və ümumi məqsədli bombaları ağıllı edən TEBER Rəhbərlik Dəsti də sərgidə yer alıb.

Məlumat üçün qeyd edək ki, 19-25 iyun tarixləri arasında keçirilən Fransadakı Paris Aviasiya Sərgisi artıq 54-cü dəfədir ki təşkil olunur.