...

Polşaya raket atılması texniki səhv ola bilər - Rəcəb Tayyib Ərdoğan

Türk Dövlətləri Digər xəbərlər 16 Noyabr 2022 11:08
TurkicWorld Daspina Hasanova
Polşaya raket atılması texniki səhv ola bilər - Rəcəb Tayyib Ərdoğan

Bakı. TurkicWorld:

Polşaya raket atılması texniki səhv və ya başqa səbəblərdən ola bilər.

TurkicWorld-un məlumatına görə, bunu bu gün Türkiyə Prezidenti Rəcəb Tayyib Ərdoğan İndoneziyanın Bali adasında keçirdiyi mətbuat konfrasında ötən gecə Polşaya düşən raketlərlə bağlı jurnalistlərin sualını cavablandırarkən bildirib.

"Mən Rusiyanın bəyanatına hörmət etməliyəm. Rusiyanın “bu işin bizimlə heç bir əlaqəsi yoxdur” deməsi bizim üçün vacibdir. Baydenin raketlərin Rusiya istehsalı olmadığını deməsi onun Rusiya ilə heç bir əlaqəsinin olmadığını göstərir. Məsələ araşdırılmalıdır", - deyə R.T.Ərdoğan bildirib.

Xatırladaq ki, ötən gün Polşanın Pşevoduv kəndi ərazisinə raket düşüb. Hadisə nəticəsində 2 Polşa vətəndaşı həlak olub.

Məqalədə:
Xəbərlər

Xəbər lenti