Bakı, TurkicWorld
Azərbaycan Respublikasının müdafiə naziri general-polkovnik Zakir Həsənov Türkiyə Respublikasının milli müdafiə naziri cənab Yaşar Gülerə başsağlığı ünvanlayıb.
TurkicWorld Müdafiə Nazirliyinə istinadən xəbər verir ki, başsağlığında deyilir:
"Cari ilin 9 dekabr tarixində, İsparta vilayətində təlim uçuşu zamanı UH-1 tipli helikopterin qəzaya uğraması nəticəsində altı hərbi qulluqçunun şəhid olması barədə xəbər məni dərindən kədərləndirdi.
Sizin acınız bizim də acımızdır.
Baş vermiş qəzada şəhid olmuş qəhrəman türk hərbçilərinə rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm.
Allah rəhmət eləsin".
Qeyd edək ki, Türkiyənin Isparta vilayətinin Keçiborlu rayon mərkəzində təlim uçuşu zamanı iki hərbi helikopter toqquşub. Qəza nəticəsində 5 hərbi qulluqçu şəhid olub, 1 nəfər isə yaralanıb.
Hadisə yerinə təcili yardım və yanğınsöndürmə qrupları cəlb edilib. Məlumata əsasən, toqquşma nəticəsində bir hərbi helikopter qəzaya uğrayıb, digəri isə təhlükəsiz şəkildə yerə endirilib.
Qeyd edilib ki, helikopterdə şəhid olanlardan biri Isparta Quru Aviasiya Məktəbinin Komandanı, general-mayor İsa Baydillidir.
