Bakı. TurkicWorld:
Ermənistanın baş naziri Nikol Paşinyan Azərbaycan və Ermənistan xarici işlər nazirlərinin görüşü ilə bağlı gözləntilərini açıqlayıb.
TurkicWorld xəbər verir ki, Paşinyan bu barədə Yunanıstanın baş naziri Kiriakos Mitsotakislə mətbuat konfransında deyib.
"Bilirsiniz ki, yaxın zamanda Ermənistan və Azərbaycanın xarici işlər nazirlərinin görüşü gözlənilir. Ümid edirik ki, bu görüşdə irəliləyiş qeydə almaq mümkün olacaq", - deyə Paşinyan bildirib.
Qeyd edək ki, Azərbaycanın xarici işlər naziri Ceyhun Bayramov və Ermənistan xarici işlər naziri Ararat Mirzoyanın görüşü 28-29 fevral tarixlərində Almaniyanın Berlin şəhərində keçiriləcək.
