Bakı. TurkicWorld:
Çadın ABŞ qüvvələrini ölkədən çıxaracağı iddia olunur.
TurkicWorld AzerVoice-ə istinadən xəbər verir ki, yerli KİV-ləri Çad hökuməti ilə ABŞ ordusu arasında hərbi əməkdaşlıq müqaviləsinin ləğv oluna biləcəyi ilə bağlı iddialar yazıb.
Çaddakı ABŞ əsgərlərinin sayı açıqlanmasa da, 100-ə yaxın olduğu təxmin edilir.
Mərkəzi Afrika ölkəsi Çadla bağlı iddiaların mayın 6-da keçirilməsi gözlənilən prezident seçkilərindən əvvəl ortaya çıxması diqqət çəkib.
Məlumat üçün qeyd edək ki, Nigerdə hərbi hökumət keçən ay qəbul etdiyi qərarla ABŞ ilə hərbi əməkdaşlıq müqaviləsinə xitam verildiyini açıqlayıb.
Hafiz Rufizoğlu