Bakı. TurkicWorld:
Türkiyənin Van vilayətində baş verən hadisələr başda olmaqla, 14 vilayətdə terror təşkilatı adına qanunsuz küçə aksiyaları həyata keçirən 340 şübhəli eyni vaxtda təşkil edilən “BOZDOĞAN-20” əməliyyatları ilə saxlanılıb.
TurkicWorld xəbər verir ki, bu barədə Türkiyə Daxili İşlər Nazirliyi məlumat yayıb.
"Millətimizin təhlükəsizliyi uğrunda mübarizəmiz qətiyyətlə davam edəcəkdir", - deyə nazirlikdən bildirilib.
Xatırladaq ki, 2 aprel tarixində Türkiyənin Van vilayətində PKK terror təşkilatı tərəfdarları təhlükəsizlik qüvvələrinə hücum edib. Etiraz aksiyası keçirən PKK tərəfdarları molotof ataraq təhlükəsizlik qüvvələrinin yerləşdiyi TOMA-nı (Sosial hadisələr üçün müdaxilə vasitəsi) yandırıblar.