Bakı. TurkicWorld:
Azərbaycan bərpa olunan enerji mənbələri (BEM) üzrə böyük potensiala malikdir.
TurkicWorld xəbər verir ki, bunu bp-nin Trinidad və Tobaqonun yer təkinin istifadəsi üzrə vitse-prezidenti Kristofer Meyer Bakıda keçirilən SPE Xəzər Texniki Konfransında deyib.
"Üzərində dayanmaq istədiyim bir neçə məqam var. Bunlardan biri, karbohidrogenlərin işlənilməsi və hasilatının ən aşağı maya dəyərinə malik olmasıdır. Düşünürəm ki, karbohidrogenlərin dəyəri mümkün qədər aşağı olmalıdır. Bu səbəbdən, enerjinin köməyilə hasil olunan və səthə çıxarılan karbohidrogenlərə sahib olmaq istəyirik. Beləliklə, qaz sahəsində maye təbii qazdan (MTQ) əldə olunan qaza deyil, boru qazına üstünlük veririk. Neft sahəsində də, ənənəvi neftə üstünlük veririk", - deyə o qeyd edib.
Onun sözlərinə görə, Xəzər regionu bərpa olunan enerji mənbələrinə əsaslanan hasilata keçidlə və aşağı intensivlikdə karbohidrogenlərin olması ilə fərqlənir və hər iki istiqamətdə yaxşı mövqe tutub.
"Buna görə burada artıq nefti və qazı Qərb, Türkiyə, Avropa və dünya bazarlarına tədarük edən fenomenal ixrac infrastrukturu mövcuddur. Beləliklə istifadə oluna biləcək və gələcəkdə daha ucuz qiymətə karbohidrogen tədarükü üçün kanal ola biləcək infrastruktur mövcuddur. Enerji sıxlığı, bərpa olunan enerji mənbələrinin sıxlıq xəritələrinə baxdıqda Azərbaycanın əla potensiala malik olduğunu görmək mümkündür. Abşeron yarımadasının şelfdə külək enerjisinin sıxlığı bir kvadrat metr üçün təqribən 9 min kilovatt-saatdır ki, bu da Şimal dənizinin cənub hissəsi, Avropa və hətta ABŞ-nin şərq sahilləri ilə müqayisə oluna biləndir. Günəş enerjisi baxımından da, eyni vəziyyətdir. Burada günəş şüalarının sıxlığı bir kvadrat metr üçün təqribən 1500 - 2 000 kilovatt-saatdır. Fikrimcə, Xəzər regionu və xüsusilə Azərbaycan irəliyə çıxmaq və BEM-dən istifadə etməklə karbohidrogen tədarükünə davam etmək üçün bütün imkanlara malikdir", - o deyib.
Meyerin sözlərinə görə, mövcud karbohidrogen hasilatı infrastrukturun elektrikləşdirilməsi həlledici əhəmiyyət kəsb edir.
"Birincisi, düşünürəm ki, bu, karbon qazı tullantıları baxımından daha səmərəli enerji mənbələri hesabına mövcud aktivlər bazamızı elektrik enerjisi ilə təmin etməyə imkan verəcək. İkincisi isə, elektrikləşdirmə davam etdikcə bu, qazıntı elektrik enerjisini bərpa olunan enerji mənbələri şəbəkəsindən çıxarmağa və sıfır karbon tullantı səviyyəsinə malik karbohidrogen təmin etməyə imkan verəcək.
