"Rusiya üç dəfə Azərbaycanla sərhəddə delimitasiya və demarkasiya aparılması ilə bağlı təklifini verib".
Musavat.com erməni mediasına istinadən bildirir ki, bunu Ermənistanın baş naziri Nikol Paşinyan parlamentdəki çıxışında deyib.
O iddia edib ki, hər üç halda onlar bu prosesi davam etdirməyə razılaşıblar: "Biz Azərbaycana sülh sazişi imzalamağı təklif etmişik və edirik".
Paşinyan deyib ki, Azərbaycan və Ermənistan sərhəd xəttində vəziyyətin sülh yolu ilə həlli vacibdir: “Delimitasiya və demarkasiya məsələləri də daxil olmaqla bizim bütün təkliflərimiz qüvvədə qalır”.
Xatırladaq ki, Azərbaycan aylardır delimitasiya və demarkasiyanınn aparılması üçün İrəvana çağırışlar edir.
