Qozog‘iston Respublikasi Prezidenti Qosim-Jomart Toqayev Shanxay hamkorlik tashkiloti Davlat rahbarlari kengashining navbatdagi majlisida ishtirok etish uchun 15 sentyabr kuni mamlakatimizga keldi.

Samarqand xalqaro aeroportida oliy martabali mehmonni O‘zbekiston Respublikasi Bosh vaziri Abdulla Aripov va boshqa rasmiylar kutib oldi.

Qozog‘iston delegatsiyasi SHHT sammiti doirasidagi uchrashuvlarda boshqa a’zo davlatlar bilan birga hamkorlikning ustuvor yo‘nalishlarida amaliy sheriklikni kengaytirish, mintaqaviy masalalar muhokamalarida ishtirok etadi.



O‘zA