O‘zbekiston Respublikasi Prezidenti Shavkat Mirziyoyevning taklifiga binoan Qozog‘iston Respublikasi Prezidenti Qasim-Jomart Toqayev 5-aprel kuni tashrif bilan mamlakatimizga keldi.

Ikki davlat bayroqlari bilan bezatilgan Urganch xalqaro aeroportida oliy martabali mehmonni davlatimiz rahbari kutib oldi.

Milliy qo‘shiq va raqslardan iborat tantanali marosim bo‘ldi.

Bugun yetakchilar muzokaralar o‘tkazadi va qadimgi Xiva shahrining tarixiy obidalari bilan tanishadi.