Оқ уй матбуот хизмати хабар беришича, ҳукумат вакцинация кампанияси билан боғлиқ тайёргарликни якунлаган, болалар учун 28 миллион вакцина ишлаб чиқилган.

Белгиланган ёшда бўлган ҳар бир бола 10 микрограммдан икки дозада эмланади. Бу 12 ёшдан ошган фуқаролар қабул қилаётган дозадан уч баробар кам.

Жо Байденнинг таъкидлашича, мамлакатда 20 мингта эмлаш пункти ташкил этилади. Улар асосан дорихона, педиатрия бўлимлари, поликлиника ва болалар тиббиёт муассасаларида бўлади.

Байден таълим муассасаларига ҳам вакцина етказиб бериш чоралари кўриб чиқилаётганини маълум қилган.