Türkiyə Silahlı Qüvvələrində qadağan olunmuş silah yoxdur - Milli Müdafiə Nazirliyi

Türkiyə Silahlı Qüvvələrində qadağan olunmuş silah yoxdur - Milli Müdafiə Nazirliyi

Bakı. TurkicWorld:

Türkiyə ordusunda beynəlxalq konvensiyalarla qadağan olunmuş silah və sursat yox idi və yoxdur. Bu növ silahın istifadəsi ilə bağlı məlumatların heç bir əsası yoxdur.

TurkicWorld xəbər verir ki, bu barədə Türkiyə Milli Müdafiə Nazirliyinin cümə axşamı yaydığı açıqlamada deyilir.

Nazirlikdən bildirilib ki, Türkiyə Silahlı Qüvvələrinin fəaliyyətləri barədə vaxtaşırı olaraq antitürk dairələri tərəfindən yalan məlumatlar yayılır.

"Türkiyə ordusuna qarşı dezinformasiyalar Türkiyə Silahlı Qüvvələrinin uğurlu əməliyyatları nəticəsində çıxılmaz vəziyyətdə qalan PKK terrorçuları və onların ortaqlarının iflasının göstəricisidir", - deyə açıqlamada bildirilir.

Qeyd edilib ki, Türkiyə ordusunun əməliyyatlarının yeganə məqsədi terrorçuları məhv etməkdir. Eyni zamanda, orduda mülki əhalinin, eləcə də irs obyektlərinin qorunmasına xüsusi diqqət yetirilir. Terrorçuların ədalət qarşısında təslim olmaqdan başqa çarəsi yoxdur.