Azərbaycanla Özbəkistan arasında hərbi-texniki əməkdaşlıq haqqında saziş və daha üç sənəd təsdiqlənib

Azərbaycanla Özbəkistan arasında hərbi-texniki əməkdaşlıq haqqında saziş və daha üç sənəd təsdiqlənib

Bakı. TurkicWorld:

Milli Məclis Azərbaycanla Özbəkistan arasında dörd sazişi təsdiq edib.

TurkicWorld-un məlumatına görə, parlamentin payız sessiyasının bu gün keçirilən ilk plenar iclasında “Azərbaycan Respublikası Hökuməti ilə Özbəkistan Respublikası Hökuməti arasında bitki karantini və mühafizəsi sahəsində əməkdaşlıq haqqında” Sazişin təsdiq edilməsi barədə Azərbaycan Respublikası qanununun layihəsi, “Azərbaycan Respublikası Hökuməti ilə Özbəkistan Respublikası Hökuməti arasında hərbi-texniki əməkdaşlıq haqqında” Sazişin təsdiq edilməsi barədə Azərbaycan Respublikası qanununun layihəsi, “Azərbaycan Respublikası Hökuməti ilə Özbəkistan Respublikası Hökuməti arasında beynəlxalq avtomobil əlaqələri haqqında” Sazişin təsdiq edilməsi barədə Azərbaycan Respublikası qanununun layihəsi, “Azərbaycan Respublikası Hökuməti ilə Özbəkistan Respublikası Hökuməti arasında sənaye mülkiyyətinin mühafizəsi sahəsində əməkdaşlıq haqqında” Sazişin təsdiq edilməsi barədə Azərbaycan Respublikası qanununun layihəsi müzakirəyə çıxarılıb.

Müzakirələrdən sonra sənədlər səsverməyə qoyularaq qəbul edilib.